YERLİ
Bakıda “Kəskin ürək çatışmazlığında intensiv terapiyanın və inotrop dəstəyin son nailiyyətləri” mövzusunda elmi konfrans keçirildi.
4 May 2012-ci il tarixində Bakının Hilton Mehmanxanasında, Orion Pharm şirkətinin dəstəyi və Azərbaycan Ürək və Sağlamlıq Assosiasiyasının təşkilatçılığı ilə “Kəskin ürək çatışmazlığında intensiv terapiyanın və inotrop dəstəyin son nailiyyətləri mövzusunda elmi konfrans keçirilib. Konfransda yerli ixtisasçılar ilə birgə xaricdən dəvət olunmuş mütəxəssislər də iştirak etmişlər. Konfransa Mərkəzi Neftçilər Xəstəxanasından t.e.n Dr. Rəşad Mahmudov və t.e.n Dr. Qulam Rüstəmzadə sədrlik etmişlər. Konfransda Prof. Dr. Ermanno Mazza, Dr. Vladimir Jovnir, Dr. Təranə Məmmədova, Dr. Fəxri Qarayev öz mərüzələri ilə çıxış etmişlər. Mərüzələr sonrası geniş diskussiyalar keçirilmişdir.
Konfransın sonunda Dr. Rəşad Mahmudov bildirmişdir ki Azərbaycan Ürək və Sağlamlıq Assosiasiyasının mütəmadi olaraq keçirdiyi bu cür elmi toplantıların hər biri ölkədə ürək-damar xəstəliklərinə qarşı olan mübarizəyə öz tövhəsi verir və hər zaman olduğu kimi “Hər şey, düşünmədən özümüzü təslim edəcəyimiz Azərbaycan həkimi naminə!” şüarı altında keçirilir.